23-12-1431 بــ [ جده]

|||

في أحد الايام العاصفه بجده 

كنت واخواتي بالسوق بالتحديد بعزيز مول [ جده ] 

وبدون سابق انذار انقلب الجو وصار ملبد بالغيوم والمطر ينزل بغزاره 

الله ستر وقدرنا نرجع البيت سالمين ..! 

بنفس الوقت بس أخر الليل 

//

\\

بالفجر 

|||

عبد العزيز [ ولد أختى ] الملقب بعزو اللزوو

مرا من المرات قبل اسبوع كنت بايته ببيت اختى المهم صحينا العيال للمدرسه قام عزو كالعاده يصلي الفجر المهم اانا كنت جالسه اقرا وماانتبهت انو دخل وفرش السجاده
رفعت عيني ولقيتو يتحرك ويمسح وجهو قلت اكيد لسا ما كبر وبدأ بالصلاه
دققت زي الناس لقيت الولد قدو بالركعه الثانيه

اهم شي انو صلى

ذكريات ..] ~

,

|||

قبل كم يوم ارسلت خالتي شنطه كبيره كلها صور قديمه وعليها الغبار من ايام الثمانينات جلسنا يومين نتفرج بالصور ماادري مين بالظبط كان عندو هوس تصوير امي ولا أبويه ولا خالتي زمان كنا احنا وبيت خالتي قريبين من بعض جدن كل طلعاتنا ورحلاتنا لأبها والطايف والمدينه ومدن الجنوب عسير ...الخ

مع بيت خالتي وبسـ ابويه ربنا يرحمو وخالي الي هوا زوج خالتي كانو اصداقاء مقربين اكثر من اخوان بحكم انو ابويه ماعندو غير اخ من ابوه والعلاقه بينهم ركيكه جدن وخالي ماعندو اخوان خير شر >> على مااظن طبعاً الاحوال اتغيرت بعد مااتوفي ابويه خالي الله يهديه ماكان عندو اصحاب غير ابويه

جاتو زي الصدمه وصار انسان بيتوتي جدن من المسجد عالبيت ومن البيت عالمسجد

// \\

المهم اترككم مع الصور

ابويه ربنا يرحمو واخواني

// \\ //

// \\

ابويه واخواني النهر الي وراهم اليم

فيه صور لخالتي وامي وهما يلعبون بالنهر

// // هذه الصوره في مكان بعسير اختى الكبيره تقول مكان خيالي كلو مزروع ورد اصفر والنهر يجري بوسط الوادي مكآن اليم طبعا الي معاه العصا اخويا الكبير كان متأثر بعدنان ولينا يحب يسوي نفس حركاتو

\\ //

//

صوره جماعيه مع الغنمه مدري ايش يحسون فيه اخواني واخواتي وعيال خالتي

\\ //

//

هذا خالد خطيبي السابق والي وراه اخواني مدري ايش كان مسوي لهم حاقدين عليه ونظراتهم لئيمه

تحسون انه مصري بذا البصري

\\ //

// \\ اما دي صوره عائليه وكانت هذه حالة كل الرحلات مع ابويه الين زمني لاحظو مراد الي ماسك السكين مبسوط بيتصور وكل الي بالصوره يطالعون فيه بحقد ومعصبين يبغون السكين

شكلو كان التلفزيون جديد عشان كذا مصورينو لوحدو // \\

//

\\ //

زمن جميل ربنا يرحمك يابويه كان انسان يعشق طلعات البر والتخيم

كل اسبوع بدون مبالغه كل اسبوع يطلعنا مكان نخيم والين بنا استراحه [ نسميه الحوش ] وبني فيه بيت صغير صرنا 4 ايام ببيتنا و3 نهاية الاسبوع فيه

طبعاً اغلب الصور قبل مااولد او كان عمري سنتين او 3 بالكثير البنات الي بالصور اخواتي الكبار

كل يوم تعالو

|||

لقطآت

ا ورايا هجوله وطبخ بعد شويه

ولازم اطلع السوق عزيز مول بالمغرب مشااااااوير

بكره بنت خالي مسويه حفله يارب تطله اللمه حلوه وونسه

//

\\

//

\\

هذه صور من استراحة زوج اختي الوردات لسا مافتحو

هذه محاوله يأسه مني ابغى اولع النار بالأحتكاك

طبعاً بأت

بالفشل الذريع

البدر كان خورافي الاسبوع الي فات

جو كان سامري رااااايق وهادي وبآآآرد